Shruti Sambeg : तरुनी खेती : Episode-1

Listen to 1st Episode of “Taruni Kheti”

आज को श्रुति संवेग को यो अंक देखि हामी ‘सरुभक्त’ को उपन्यास ‘तरुनी खेती’ को वाचन गर्दै छौँ । भन्नैपर्छ, यो उपन्यास सरुभक्त को एक जबरजस्त उपन्यास हो ! (जति नै सुने पनि धित मरेको छैन)

विषयवस्तु परिचित भएपनि, प्रस्तुतिकरण नितान्त फरक रहेको छ । महिला अनि पुरुष, को सामाजिक स्थितिलाई लेखिएर लेखिएको उपन्यास मा, ‘महिला’लाई यौनिक रुप ले हेरिएको छ ।

सरल कुरा तर जटिल प्रस्तुती लाग्ने हुँदा, सुरु मा उपन्यास ले के भन्न खोजिरहेको भन्ने कुरा बुझ्न निकै गाह्रो पर्छ । नारीलाई खेत, पुरुषलाई किसान, यस्तै यस्तै उपमा र बिम्ब बाट नारी र पुरुषलाई परिभाषित गरिएको छ ।

भुमिका मा सरुभक्तले भन्नुभएकोछ, “यसलाई पुरुषहरु ले गलत नबुझुन र नारीहरु ले बुझ्न इन्कार नगरुन्” ।

सरुभक्त भन्छन्, नाम, सबै नाम सर्वनाम, सर्वनाम, नाम को सट्टामा आउने ! सर्वनाम भनेको छदमनाम होइन, सर्वनाम भनेको कोटि नाम होइन, सर्वनाम भनेको शुभ नाम होइन, सर्वनाम भनेको उपनाम होइन, सर्वनाम भनेको अल्पनाम होइन, सर्वनाम भनेको बदनाम होइन, सर्वनाम भनेको अतिनाम होइन, अनाम होइन ।

सर्वनाम सबै घर मा हुन्छ, सर्वनाम सबै टोल मा हुन्छ, सर्वनाम सबै सहर मा हुन्छ, सर्वनाम सबै देशमा हुन्छ, सर्वनाम सबै तिर हुन्छ । सर्वनाम समूह मा एक्लो हुन्छ, सर्वनामहरु असमानता मा बाँच्छन् ।

सुरुमा सुन्दा केही जटिल लागे पनि, सुन्दै जाने हो भने सबै कुरा प्रस्ट हुन्छ । महिला र पुरुष बिच का सामाजिक असमानताहरुलाई, विभिन्न विम्वहरु को प्रयोगहरु बाट लेखक ले प्रस्ट पार्न खोजेका छन् । पृथ्वी, भुमन्डल, जमिन, खेत, किसान, यस्तै यस्तै वि्म्वहरु को प्रयोग बाट हाम्रो सामाजिक स्थिति को चित्रण गरेका छन् ।

उज्यालो ९० नेटवर्क को लागि निर्माण गरिएको कार्यक्रम श्रुति संवेग मा सदाझैँ वाचन मा अच्युत घिमिरे हुनुहुन्छ भने प्रविधी मा दिनेश निरौला र शशिन्द्र गौतम रहनुभएको छ । कार्यक्रम सञ्चालन मन्टेश्वरी राजभन्डारी ले गर्नुभएको छ ।

Download: Sharubhakta’s Taruni Kheti Episode-1