सम्झन खोजेको पनि त होइन !

त्यो चन्द्रमा आकाशमा नभए पनि ,औँशी परेको पनि त होइन
तिम्रो याद हरपल मनमा आएपनि सम्झन खोजेको पनि त होइन।

बाँच्ने इच्छा थियो मेरो तिमीलाई मनको ढुकढुकी भनि
तिम्रो आकृतिको प्रतिबिम्ब खोज्दथेँ अन्धकारमा पनि।
ढुकढुकी बन्द भएपनि, बाँच्न नचाहेको पनि त होइन
तिम्रो याद हरपल मनमा आएपनि सम्झन खोजेको पनि त होइन।

क्षणिक भएतापनि तिम्रो हाँसोलाई आँखामा राख्न चाहेथें
उघानको अनगिन्ती फूलहरुमध्ये सून्दर एउटा पाएथें।
आखाँ केही रसाएपनि, आशु झार्न लागेको पनि त होइन
तिम्रो याद हरपल मनमा आएपनि सम्झन खोजेको पनि त होइन।

म त भाग्यमानी नै रहेछु,तिम्रो तिरस्कार भए पनि पाएछु
तिमीलाई खोज्दै हिडेथें,तर तिमी भित्रै नै हराएछु।
त्यही तिरस्कार पिएर, बेहोस हुन रोजेको पनि त होइन
तिम्रो याद हरपल मनमा आएपनि सम्झन खोजेको पनि त होइन।

-अनिल सिवाकोटी
कुपन्डोल !

--
imgsrc:school-clipart.com