Laughter Week 2065

अब बिजुली (लाइन) चौबिसै घन्टा आउने भएको छ, एक हप्ता मा ! लौँ, नहाँस्नुहोस् है, मैले त कसरी सकरात्मक सोच्ने भनेर एउटा सानो टुक्रा जोडेको मात्रै हुँ । हुन त कसरी हाँस्नु, जबकी हामी सँग केही नै छैन, हाँस्न को लागि । नचाहेरै पनि हाँस्नु पर्ने बाध्यता, कतै हाँस्न त बिर्सिएका छैनौँ, हामी ले ? हाँस्न बिर्सिएका हुन पनि सक्छौँ, किनकी हाम्रो स्थिति नै त्यस्तै छ ।

...विचरा महादेवले के लिए, बाघ को छाला र सर्प को माला,
अब हेर्नुहोस् देउताको स्वास्नीहरुको चर्तिकला !

हाम्री श्रीमतीले टाउकोमा जुम्रा पर्दा टिपेर फ्याँकिदिन्छे,
महादेव को घाँटिमा त्यत्रो गोमन साँप बेरिँदा, हेरिरहने पार्वती कस्ती मान्छे ?

हाम्री श्रीमतीले अलिकति रक्सी पिउँदा छेक्न आउँछे, भन्छे रक्सीले फाइदा गर्दैन,
महादेव ले विष पिउँदा पार्वतीले छेक्न जानु पर्छ कि पर्दैन ???...

खैर, सबैकुरालाई भुलेर, यो लोडसेडिङ को पिडा, अनि खानेपानी को हाहाकारलाई भुलेर एकैछिन हाँसौ न त ! नेपाल साँस्कृतिक संस्थान ले आयोजना गरेको "हाँस्य सप्ताह २०६५" बाट केही अंश हामीले यहाँ राखेका छौँ । टेलिभिजनका चिरपरिचित कलाकारहरुको प्रहसन, कविता, व्यङ्ग्य आदि सुनेर-हेरेर केही छिन भने पनि यो, सांसारिक टेन्सनलाई बिर्सनुहोस्, है त !

Video: हाँस्य सप्ताह २०६५

नभनौँ भन्दा पनि भन्नै पर्ने भाको'छ, कार्यक्रम मा केही अपाच्य र उच्छृङ्खल लाग्ने प्रस्तुतीहरु पनि छन्, अत: ती कुराहरु आफैँ सेन्सर गरेर हेर्नुहोला है ! हाँस्यव्यङ्ग्य कार्यक्रम मा अपाच्य र उच्छृङ्खल लाग्ने दृश्य र शब्दहरु राख्ने बानी कहिले हट्ने भएन, मलाई लाग्छ यसकारण ले गर्दा पनि हाम्रा हाँस्यव्यङ्ग्य कार्यक्रमहरु उच्चकोटिको हुन सकेका छैनन् ।

हाँस्य सप्ताह २०६५ को भिडियो हामीले डेलीमोसन बाट लिएका हौँ ।