ईन्टरनेटको दुनिँया, आफैँमा रमाइलो दुनियाँ । एउटा सपनाको दुनिँया भन्दा पनि फरक नपर्ला, ईन्टरनेटलाई । अझ ब्लगिङ का दुनियाँ मा छिरिसकेका अनि इन्टरनेटमा देश दुँनिया चहार्न पल्केकालाई त यो इन्टरनेट भनेको अनि ब्लगिङ भनेको त एउटा नशा नै सरह हुन्छ ।
ब्लगिङ सुरु गरिए पछि, इन्टरनेट नशा सरह त लाग्दै गयो, नयाँ साथीहरु पनि भेटिँदै गए । हुन त ब्लगिङ बाट परिचित भएका कुनैपनि साथीलाई अझसम्म भेटिएको छैन तर पनि उनीहरु किन यती धेरै आत्मिय लागेका हुन्, थाहा छैन । सम्भवत: ब्लगिङ को दुनिँयामा रमाइरहेका ब्लगरहरु सबैलाई, देख्दै नदेखेका अनि संसारको अर्को कुना मा रहेका ब्लगर साथीहरु प्यारा लाग्छन् होला । खै, यो कस्तो भावनात्मक नाता हो ? सायद हामीविच यही ब्लगरको साइनो होला, अथवा हाम्रा कुराहरु आपसमा मिल्ने भएर पनि हो कि ? कहिलेकाँहि सोच्छु अचम्म लागेर आउँछ, हैन सबै ब्लगरहरु एकैकिसिम का विचार राख्ने हुन्छन् कि क्या हो, कारण अधिकाशं विषयबस्तु मिलिरहेका हुन्छन्, अनि अधिकांश कमेन्टहरु पनि हो मा हो मिलाएर आइरहेको हुन्छ, हामी हो मा हो मिलाएर लेखिरहेका हुन्छौँ ।
अब, भुमिका धेरै नबाँधौ होला । आज म यहाँ एउटा साथीको खोजी गरिरहेछु । एउटा ब्लगर साथी, कहिले नभेटिएको साथी, अनि धेरै नै आत्मिय लागेको साथी, जो अहिले कहाँ हराइरहेकाछन्, के गरिरहेछन्, केहि थाहा छैन । ब्लगिङ सुरु गरेपछि ब्लगबाटै भेटिएका पहिलो आत्मिय साथी “अमेत्य” को खोजी म गरिरहेछु । उसको नम्बर म सँग भए, सायद म यो लेख्ने थिइन । अनि उसको ठेगाना थाहा भएपनि यो लेख्ने थिइन । तर एक्कासी उनी हराए ब्लगबाट, ६ सेप्टेम्बर २००८, मा उनले आफ्नो ब्लग अपडेट गरेका थिए, अनि त्यसै समय “हाम्रो आवाज” का लागि पनि एउटा पोष्ट लेखेका थिए । अनि फेसबुक मा पनि पछिल्लो अपडेट केही छैन । अत: म यसै ब्लगमार्फत उनको खोजी गरिरहेछु, उनको बारेमा केही खबर छ कि सबैलाई सोधिरहेछु ।
“अमेत्य” को नामबाट ब्लगिङ गर्ने उनी सम्भवत विराटनगरका हुन् । कम्युनिकेशन इन्जिनियरिङ भर्खर मात्र पास गरेका पोखरेल थरका अमेत्य पहिलो पटक सम्भवत मे महिना मा काठमाडौँ आएका थिए । च्याट मा जागिरको सिलसिला मा काठमाडौँ आएको बताएका अमेत्य यसो बेला मौका मा ब्लगमा झुल्कने गरेका थिए । उनीसँग निकै रमाइला कुराहरु हुन्थे, हाम्रो च्याट मा धेरै पटक कुराकानी भएपनि, कन्ट्याक्ट नम्बर कहिले मागिएन । अनि अहिले यसो लाग्छ, उसको नम्बर लिनुपर्ने रहेछ । काठमाडौँ को कोटेश्वर अनि महाराजगंज सम्म त पच्छाइएकै हो उनलाई तर अहिले अचानक उनी हराउँदा अलि कता कता डर पनि लागेर आएको छ ।
केहि हप्ता अगाडि इमेल पनि पठाएँ तर त्यसको जवाफ म आज सम्म पनि कुरिरहेको छु । इन्टरनेट अनि ब्लगिङ को नशा लागिसकेका “अमेत्य” अकश्मात हराइदिँदा मलाई डर लागिरहेको छ । अझ उनको पछिल्लो पोष्ट ले त मेरो मन मा आँधिबेहरी नै ल्याइदिएको छ, कामना छ उनको ब्लगको पछिल्लो पोष्टमा लेखिएको कुरा एउटा साहित्य मात्र होस् ।
सायद उनले मेरो बारेमा केहि कुरा लेखेको भएर पनि, उनको खोजखबर को चासो मलाई परेको हो कि, आखिर मान्छे स्वार्थी हुन्छ नि । खै, के हो म भन्न सक्दिन, तर म “अमेत्य” को खोजिगरिरहेछु, म एउटा ब्लगर साथीको खोज खबर गरिरहेछु, अनि “अमेत्य” को आत्मियता खोजिरहेछु । सायद काम को व्यस्तता ले पनि ब्लगमा नछिरेका होलान्, या काम को सिलसिला मा कुनै कुना मा पुगेका होलान्, जहाँ इन्टरनेट को सुविधा छैन, अनि चाहेर पनि हामी माझ आउन सकिरहेका छैनन् ।
आत्मिय साथी “अमेत्य”, तपाई यो कुरा कतै पढ्दैहुनुहुन्छ भने, एकपटक ईमेल गर्नुहोला है । अनि अन्य: साथिहरु, यहाँहरुलाई पनि अमेत्य सम्बन्धि केही जानकारी छ भने कृपया मलाई बताउनुहोला है । अमेत्य ले पछिल्लो पटक ब्लगमा “म HIV +VE” भन्ने पोष्ट लेख्नु अनि त्यसपछि देखि उनी गायब हुनुले मलाई कता कता डर लागिरहेछ, तर मेरो कुरालाई अनर्थ को रुपमा नबुझियोस् भन्ने पनि मेरो आग्रह रहेको छ । “अमेत्य” तपाई जहाँ हुनहुन्छ, सुखि अनि खुशी रहनुहोस्, अनि कतै तपाई मेरो ब्लग पढिरहनुभएको छ भने, कृपया मलाई एकपटक इमेल गर्नुहोस् ।
साथीहरु के तपाईलाई “अमेत्य” को बारेमा थाहा छ ???
अमेत्यको ब्लगबाट:
आकार – the shape (मेरो लागि लेखिएको पोष्ट)
अमेत्यको पछिल्लो पोष्ट:
म HIV +VE (अन्तिम पोष्ट)
ब्लगिङ सुरु गरिए पछि, इन्टरनेट नशा सरह त लाग्दै गयो, नयाँ साथीहरु पनि भेटिँदै गए । हुन त ब्लगिङ बाट परिचित भएका कुनैपनि साथीलाई अझसम्म भेटिएको छैन तर पनि उनीहरु किन यती धेरै आत्मिय लागेका हुन्, थाहा छैन । सम्भवत: ब्लगिङ को दुनिँयामा रमाइरहेका ब्लगरहरु सबैलाई, देख्दै नदेखेका अनि संसारको अर्को कुना मा रहेका ब्लगर साथीहरु प्यारा लाग्छन् होला । खै, यो कस्तो भावनात्मक नाता हो ? सायद हामीविच यही ब्लगरको साइनो होला, अथवा हाम्रा कुराहरु आपसमा मिल्ने भएर पनि हो कि ? कहिलेकाँहि सोच्छु अचम्म लागेर आउँछ, हैन सबै ब्लगरहरु एकैकिसिम का विचार राख्ने हुन्छन् कि क्या हो, कारण अधिकाशं विषयबस्तु मिलिरहेका हुन्छन्, अनि अधिकांश कमेन्टहरु पनि हो मा हो मिलाएर आइरहेको हुन्छ, हामी हो मा हो मिलाएर लेखिरहेका हुन्छौँ ।
अब, भुमिका धेरै नबाँधौ होला । आज म यहाँ एउटा साथीको खोजी गरिरहेछु । एउटा ब्लगर साथी, कहिले नभेटिएको साथी, अनि धेरै नै आत्मिय लागेको साथी, जो अहिले कहाँ हराइरहेकाछन्, के गरिरहेछन्, केहि थाहा छैन । ब्लगिङ सुरु गरेपछि ब्लगबाटै भेटिएका पहिलो आत्मिय साथी “अमेत्य” को खोजी म गरिरहेछु । उसको नम्बर म सँग भए, सायद म यो लेख्ने थिइन । अनि उसको ठेगाना थाहा भएपनि यो लेख्ने थिइन । तर एक्कासी उनी हराए ब्लगबाट, ६ सेप्टेम्बर २००८, मा उनले आफ्नो ब्लग अपडेट गरेका थिए, अनि त्यसै समय “हाम्रो आवाज” का लागि पनि एउटा पोष्ट लेखेका थिए । अनि फेसबुक मा पनि पछिल्लो अपडेट केही छैन । अत: म यसै ब्लगमार्फत उनको खोजी गरिरहेछु, उनको बारेमा केही खबर छ कि सबैलाई सोधिरहेछु ।
“अमेत्य” को नामबाट ब्लगिङ गर्ने उनी सम्भवत विराटनगरका हुन् । कम्युनिकेशन इन्जिनियरिङ भर्खर मात्र पास गरेका पोखरेल थरका अमेत्य पहिलो पटक सम्भवत मे महिना मा काठमाडौँ आएका थिए । च्याट मा जागिरको सिलसिला मा काठमाडौँ आएको बताएका अमेत्य यसो बेला मौका मा ब्लगमा झुल्कने गरेका थिए । उनीसँग निकै रमाइला कुराहरु हुन्थे, हाम्रो च्याट मा धेरै पटक कुराकानी भएपनि, कन्ट्याक्ट नम्बर कहिले मागिएन । अनि अहिले यसो लाग्छ, उसको नम्बर लिनुपर्ने रहेछ । काठमाडौँ को कोटेश्वर अनि महाराजगंज सम्म त पच्छाइएकै हो उनलाई तर अहिले अचानक उनी हराउँदा अलि कता कता डर पनि लागेर आएको छ ।
केहि हप्ता अगाडि इमेल पनि पठाएँ तर त्यसको जवाफ म आज सम्म पनि कुरिरहेको छु । इन्टरनेट अनि ब्लगिङ को नशा लागिसकेका “अमेत्य” अकश्मात हराइदिँदा मलाई डर लागिरहेको छ । अझ उनको पछिल्लो पोष्ट ले त मेरो मन मा आँधिबेहरी नै ल्याइदिएको छ, कामना छ उनको ब्लगको पछिल्लो पोष्टमा लेखिएको कुरा एउटा साहित्य मात्र होस् ।
सायद उनले मेरो बारेमा केहि कुरा लेखेको भएर पनि, उनको खोजखबर को चासो मलाई परेको हो कि, आखिर मान्छे स्वार्थी हुन्छ नि । खै, के हो म भन्न सक्दिन, तर म “अमेत्य” को खोजिगरिरहेछु, म एउटा ब्लगर साथीको खोज खबर गरिरहेछु, अनि “अमेत्य” को आत्मियता खोजिरहेछु । सायद काम को व्यस्तता ले पनि ब्लगमा नछिरेका होलान्, या काम को सिलसिला मा कुनै कुना मा पुगेका होलान्, जहाँ इन्टरनेट को सुविधा छैन, अनि चाहेर पनि हामी माझ आउन सकिरहेका छैनन् ।
आत्मिय साथी “अमेत्य”, तपाई यो कुरा कतै पढ्दैहुनुहुन्छ भने, एकपटक ईमेल गर्नुहोला है । अनि अन्य: साथिहरु, यहाँहरुलाई पनि अमेत्य सम्बन्धि केही जानकारी छ भने कृपया मलाई बताउनुहोला है । अमेत्य ले पछिल्लो पटक ब्लगमा “म HIV +VE” भन्ने पोष्ट लेख्नु अनि त्यसपछि देखि उनी गायब हुनुले मलाई कता कता डर लागिरहेछ, तर मेरो कुरालाई अनर्थ को रुपमा नबुझियोस् भन्ने पनि मेरो आग्रह रहेको छ । “अमेत्य” तपाई जहाँ हुनहुन्छ, सुखि अनि खुशी रहनुहोस्, अनि कतै तपाई मेरो ब्लग पढिरहनुभएको छ भने, कृपया मलाई एकपटक इमेल गर्नुहोस् ।
साथीहरु के तपाईलाई “अमेत्य” को बारेमा थाहा छ ???
अमेत्यको ब्लगबाट:
आकार – the shape (मेरो लागि लेखिएको पोष्ट)
अमेत्यको पछिल्लो पोष्ट:
म HIV +VE (अन्तिम पोष्ट)