नेपालमा सरकारी जागिर'को क्रेजको बारेमा मैले केही बताउन पर्दैन। केही वर्ष अघि 'डक्टर पाइलट' ब्यान्डका, क्रान्ति आले'ले गित नै बनाएकाथिए, "छोरी माग्न जाँदा, बिहे गर्छु भन्दा, ससुरा परे दोधारे, भन्छन् - तिम्रो छ र के भर, खोजिआउ पहिले सरकारी जागिर..." ।
सरकारी सेवामा प्रवेश गर्न खुट्टो उचालिरहेकालाई, लोकसेवा आयोगले लिने परिक्षाको खड्गो पार गर्नुपर्छ । एउटा पदका लागि निकालिएको सूचनामा, हजारौँले आवेदन दिन्छन्, कडा प्रतिस्पर्धा हुन्छ, केहीलाई परिश्रम र भाग्य दुबैले साथ दिन्छ, अनि सरकारी सेवामा छिर्छन् । लोकसेवाको परिक्षाको तयारीका लागि, विषय अनुसारको किताब नि किन्नुपर्यो, त्यसमाथि पत्रिकामा निरन्तर सूचना पनि पच्छ्याउनु पर्यो, कतिपय अवस्थामा लोकसेवा परिक्षाको तयारी कक्षामा नि भर्ना हुनुपर्छ, त्यसका लागि काठमाडौँ नै धाउनुपर्छ । यही विविध झन्झट्हरुबाट परिक्षार्थीलाई छुटकारा दिलाउन र लोकसेवा परिक्षालाई अझ सजिलो र सुलभ बनाउन 'मन्त्र आइडियाज'ले 'लोकसेवा नेपाल' नामक मोबाइल एप निर्माण गरेकोछ । गुगल प्लेस्टोर तथा एप्सझोलामा उपलब्ध लोकसेवा नेपालको एन्ड्रोइड एपमा नयाँ अपडेट भर्खरै आएकोछ, जसमा नयाँ 'ह्याङम्यान गेम' पनि थपिएकोछ ।
गुगल प्लेस्टोर तथा एप्सझोलाबाट निशुल्क डाउनलोड गरि चलाउन सकिने 'लोकसेवा नेपाल' एप मार्फत लोकसेवा बारेमा सम्पूर्ण जानकारी, नयाँ सूचना/विज्ञापन पाउनुको साथै परिक्षाको तयारी गर्न सकिन्छ । एपलाई चलाउन भने सुरुमा इन्टरनेटको आवश्यकता पर्दछ, त्यसपछि भने 'अफलाइन' पनि चलाउन मिल्छ, तर अफलाइन चलाउँदा सबै 'फिचर' उपलब्ध नहुनसक्छन्।
लोक सेवा नेपाल एपबाट, हालका लागि प्रशासनको खरिदार, ना.सु., शाखा अधिकृतको तयारी गर्न सकिन्छ भने प्राविधिकमा कम्प्यूटर अपरेटर, अ.न.मि., स्टाफ नर्स, कम्प्युटर इन्जिनियर, कम्प्युटर अधिकृत, सिभिल इन्जिनियरको पुरानो प्रश्नपत्र, अभ्यास प्रश्नहरु, लोक सेवा आयोगबाट प्रकाशित सुचनाहरु पढ्न र 'ह्यांगम्यान' खेल्दै सिक्न सकिन्छ । सूचना प्रविधिको प्रयोगले देशको विभिन्न भागबाट लोक सेवाको तयारीकै लागि भनेर काठमाण्डौ आउनुपर्ने वाध्यतालाई पनि एपले हटाउने दावी कम्पनीको छ ।
लोकसेवा नेपाल एपका बिशेषताहरु :
१) लोक सेवा आयोग बाट प्रकाशित सुचनाहरु हेर्न मिल्ने
२) बिभिन्न बिषयहरुमा अभ्यास गर्न सकिने
३) पुराना प्रश्न-पत्रहरु हेर्न सकिने
४) 'ह्याङ्म्यान' खेल्दै सिक्न सकिने
५ ) महत्वपूर्ण ऐन तथा नियमावलिहरु समावेश गरिएको
६) समसामयिक र राजनीतिशास्त्र समावेश गरिएको
७) लोक सेवाको निम्ति आवश्यक सम्पूर्ण पाठ्यक्रम
८) आवश्यक दरखास्त फाराम
९) सामान्य ज्ञानको छुट्टै व्यवस्था
१० ) आफुले दिन चाहेको पदको मात्र अभ्यास गर्न सकिने
➤ Install LokSewa Nepal Android App From PlayStore or Apps Jhola
Thank you for the post. "तिम्रो छ र के भर, खोजिआउ पहिले सरकारी जागिर", thanks for reminding the quote :)
ReplyDeleteandroid pro applicationharu sajilai download garnuhos nigesh.com.np ma
ReplyDelete